Bohol Ubi Festival Dakong Tabang sa mga Mag-uuma – Bohol News

2021 Bohol Ubi Festival Kalamposan sa mga Mag-uumang Bol-anon ug Gagmayng Magpapatigayon

Gitak-opan ang usa ka buwan nga Bohol Ubi Festival niadtong kataposan sa Pebrero 2021.

Miabot sa halos P12 Million nga kita sa mga mag-uuma ug mga gagmayng magpapatigayon nga misalmot sa maong kalihokan nga gipangunahan sa Office of the Provincial Agriculture.

Sa iyang mensahe ngadto sa mga Bol-anon atol sa closing ceremony, si Governor Art C. Yap nagpadayag sa iyang gibating kalipay. Ania ang post gikan sa iyang FB page:

Dakong kalipay nato nga nagmalampuson ang Ubi Festival 2021 diin nahimo usab kining tulay nga napaduol ang atong mga mag-uuma ug mga mananagat sa atong mga konsumidor.

Usa sa tumong sa programa mao ang pagpaduol sa mga komsumidor ug mabaligya ang ilang mga produkto ngadto sa katawhan. Pinaagi niini napaubsan nato ang trading layers aron mabaligya nila ang ilang produkto sa saktong presyo ug sa maong paagi lang nato masiguro nga dili sila maalkansi.

Ang kalamposan sa Ubi Festival nagpakita nga kaya nga mapaugmad ang ekonomiya ug makatabang sa atong mga kaigsuonan pinaagi sa pag invest sa agrikultura.

Bohol Governor Atty. Art Yap during the 21st Ubi Festival Closing Ceremony

Mitambong usab sa maong pagtak-op sila si Vice-Governor Rene Relampagos, BM Ricky Masamayor, BM Aldner Damalerio, MEB Members, Municipal Agriculture Officers, ug Tatay Billy Tongco.